INKOMFA YOLWIMI YESITHATHU KA SEK MQHAYI

ENGLISH VERSION OF THIS STORY??...CLICK HERE

WALTER SISULU UNIVERSITY (POTSDAM CAMPUS) 29-30 KWEYOMSINTSI 2011

Ukuzingca ngobuzwe, ukuzazi, inkcubeko kunye nopolitiko yayizizinto u SEK Mqhayi agxile kuzo xa ebhala. Oku kucace mhlophe kwiincwadi zakhe ezifana nezi: Ityala la mawele, U Don Jadu kunye nezinye. Ushumayela ngamandla umanyano kubantu beentlanga zonke ade athi bakuthi ukuze babesisizwe abamnyama babe bamanyene.  

Inkomfa yoLwimi yesiThathu ka SEK Mqhayi izama ukulanda ekhondweni lika SEK Mqhayi nabanye ababhali ababephume izandla ngexesha lika Mqhayi nangaphambili nasemva kwakhe. U Mqhayi xa ebhala ubeka inkcubeko, ukuthanda isizwe nolwimi njengonqontsonqa. Kwaye ubeka athi uluntu lwakuhluma ngokoqoqosho xa lukhula nenkcubeko yalo.

UKUTHATHA INXAXHEBA

Bonke abanomdla wokuba zizithethi apha bayacelwa ukuba bafake imihlathi engadlulanga kuma- 200 amagama phambi komhla wama-30 kweyeKhala kulo umiyo. Thumela umhlathi wakho phantsi kwesinye sezi zihloko zenkomfa leyo kule dilesi yomnatha bonket@amatoledm.co.za okanye ifeksi ku -086 666 0027. Malunga nengcombolo ethe vetshe qhakamshelana no Mnu B. Tyhulu kule nombolo -043 701 4152 okanye bonket@amatoledm.co.za okanye uNjingalwazi C. Botha ku- 040 602 2336 okanye ku cbotha@ufh.ac.za okanye kuMnu L. Sigonyela kule nombolo -043 726 2600 / lukhanyo@pansalb.org.za   ngamaxesha omsebenzi. Le nkomfa iyakube ibanjelwe e Walter Sisulu University ukuqala kweyama -29-30 kweyo Msintsi kulo umiyo.

IZIHLOKO ZENKOMFA

Nazi izihlokwana zenkomfa leyo ukuze lowo ufaka umhlathi kufuneke kube kanti into azakuthetha ngayo ithetha kanye ncakasana kwesinye sezizihloko:

·         Ulwimi, inkcubeko no politiko ngokubona kwababhali bexesha lika Mqhayi

·         Ukulondoloza iziza zemveli nenkululeko ukukhulisa isizwe 

·         Ulwimi lweenkobe kuqoqosho lwehlabathi olutshintshayo

·         Ukuzingca ngobuntu bethu ukwakha isizwe